Þá er hún mamma mín farin austur... ohhh mér finnst það hundleiðinlegt!! Finnst alveg að hún geti bara verið hjá mér!! :)
Það er búið að vera nóg að gera í vinnunni... síðustu tvo daga er ég búin að vera á Norræna geðlæknaþinginu í Háskólabíó, svaka stuð. Þarna eru 650 manns, allra þjóða kvikindi. Þetta klárast svo á laugardaginn, þannig að þá tekur bara menningarnóttin við :) Ég er búin að hitta þessa kollega frá Danmörku, voða indælar kerlingar... þær eru reyndar alveg dýrlegar í klæðaburði, hef svo ekki fleiri orð um það!! ;)
Ég sakna þess svolítið að fara ekki í skólann... sakna samt kannski ekki lærdómsins og prófanna... sakna bara mest að hitta ekki stelpurnar á hverjum degi og sakna eiginlega líka Guðrúnar og Bryndísar. En við stelpurnar verðum bara að hittast og svo getur maður bara kíkt í skólann ef maður fær fráhvarfseinkenni :)
Rikki lyfjafræðinemi varð pabbi í dag!! :) Til hamingju elsku Rikki og Sara!! Fengu lítinn strák... Svo er ég auðvitað búin að heimsækja Eystein og þau í apótekinu, Guðfinna alveg æðislega sæt og myndarleg með litlu kúluna sína... dúllidúll!!
Stundum væri ég alveg til í að heita einhverju einföldu íslensku nafni, t.d. Anna eða Jóna eða einhverju nafni sem fólk veit hvernig það á að skrifa!! Ég þarf alltaf að láta vita að það er tvisvar Ú, ekki Úrsula, Ursula eða Ursúla, arg!! En allavegna þá var verið að "stofna" mig í tölvunni í vinnunni... og það tókst auðvitað ekki stórslysalaust fyrir sig! Það byrjaði á Úrsúla M. Ármannsdóttir... ég ekki hrifin, því ég heiti ÚRSÚLA MANDA, og VIL hafa BÆÐI nöfnin!! Frekar þá að sleppa Ármannsdóttir eða skrifa bara Ármanns!! Jæja ofan á þetta bættist svo við að Ármannsdóttir var vitlaust skrifað... Ármanssdóttir stóð!!!! Já nei takk, það eiga að vera TVÖ N og EITT S!! Jahérna hér... en það er búið að breyta þessu núna þannig að nú get ég andað léttar :)
Ég er að fara að lesa Hobbitann!! Held ég þurfi að byrja á henni áður en ég les Hringadróttinssögu. Svo var ég að klára Brýrnar í Madison-sýslu :) æjæj... en ég get þó sagt að mér fannst bókin betri en myndin... mér fannst hún eiginlega bara leiðinleg.
Ætla að fara að koma mér í rúmið... byrja á Hobbitanum :) bæ í bili Úrsúla Manda Ármannsdóttir