Jæja einhver leti í gangi hjá mér núna... annars er svo brjálað að gera hjá mér. Mikið framundan, stelpu bekkjarparty á morgun hjá okkur úr skólanum heima, hlakka mikið til að hitta þær! Á föstudaginn er ég að fara í einhvern dinner á Hótel Sögu, Sigurjón Gísli bauð mér með sér, veit eiginlega ekki hvað þetta er, en þetta er eitthvað í boði SH! Ekki spyrja mig meira um það! Og svo er þessi blessaða óvissuferð á laugardaginn... stuð stuð. Þá á að taka vel á því, þó ekki eins og á Stuðmannaballinu :)
Nú á fimmtudaginn eftir viku (25. sept) eru svo Sálartónleikar á Nasa, á föstudeginum er Sálarball á Nasa og á laugardeginum er Sálarball á Akranesi!!!! :) hahaha held samt að ég sleppi kannski Akranesi!! Maður veit þó aldrei sko... það væri nú aldeilis fínt að taka þrjá daga í röð með Sálinni!!
En svo er ég að fara á Vestfirðina 29. sept. til 1. okt! Hlakka mikið til því ég hef aldrei komið á Vestfirðina. Við Bassi erum að fara með lyfjakynningar á þrjá staði þar, Patreksfjörð, Ísafjörð og Hólmvík! Ætlum að reyna að gera smá reisu úr þessu og skoða t.d. Látrabjarg. Nú 3. okt. förum við svo á Sauðárkrók og 17. okt. er það Húsavík!! Segið svo að maður sé ekki skipulagður :) eða þannig... ég hef víst aldrei þjáðst af skipulagsleysi!!
Bæ í bili...