Aldeilis fín helgi, ýmislegt baukað!! Byrjaði auðvitað á föstudagskvöldinu með 100% hitt! Hitti Sigurlaugu þar og Júlíu Rós. Þetta var alveg frábær sýning, Helga Braga er auðvitað engu lík :) Júlía Rós plantaði okkur á fremsta bekk... alveg stórkostlegt, þó okkur hafi nú ekkert litist á það til að byrja með. Það hefði nefnilega verið svo týpískt að hefði verið valin manneskja úr hópnum til að gera eitthvað þá hefði ég pottþétt verið valin!! Það er bara alltaf svoleiðis! Þannig að yfirleitt reyni ég að forðast fremstu sætin! En þarna var ekkert vesen... ég heppin!
Á laugardeginum tókum við mamma Smáralindina í nefið og enduðum daginn á að fara í Blómaval að tala við fuglinn Jakop :) Í gær var það svo Kringlan og út að borða á Galileo... voða gott!!
Nóg í bili...