Þá er ég orðin ein eftir...

...allir farnir!! Mamma og pabbi fóru brunandi austur í morgun og Líana og co fóru í gærmorgun. Þetta var rosalega skemmtilegt allt saman, við Mirja höfðum það voða nice í íbúðinni minni, bara tvær :) fórum í Smáralindina og svoleiðis á föstudeginum og svo var auðvitað showið um kvöldið. Að vísu ekki besta showið en ágætt samt. Það skemmtu sér allir vel og það er fyrir mestu!
Á laugardaginn fórum við öll í Bláa lónið. Hélt ég myndi ganga fram af liðinu þegar ég tilkynnti að ég hefði ekki farið í lónið síðan ég var 12 ára!! :) og aðeins í það eina skipti. Þau fara hins vegar í hvert skipti sem þau koma til Íslands! En þetta er auðvitað ekkert smá flott... aðeins öðruvísi en þegar ég var þarna síðast :) Reyndar var ég búin að heita því að fara aldrei þangað aftur vegna þess að hárið á mér varð eins og hampur... ógeðslegt! Og ég var akkúrat að fara til Mallorca og var í hinu versta skapi mest allann tímann því hárið virtist ekkert lagast!! En núna var allt í key... enda komin hárnæring sem ég smurði vel í hausinn á mér áður en ég fór út í!! Var svo agalega dugleg að krema á mig kísilnum og var alveg hrein inn í bein eftir á!! :) Var reyndar farin að spá hvort þetta væru ekki bara einhverjar psoriasis flögur sem ég væri að smyrja framan í mig... held samt ekki, það er allt í lagi með mig ennþá! :)
Já ekki má ég nú gleyma að minnast á nýja kaggann!! Jesús minn hvað hann er flottur!! :) Svei mér þá... hann er alveg himneskur. Fékk hann föstudaginn 13. og allt er í lagi ennþá :) Já Sigurlaug, upphafsstafirnir eru LK!! :) Fyndið! Svaka fínt! Alfa mín er hinsvegar enn á verkstæðinu... þetta er nú meiri óskapa tíminn sem þeir eru búnir að taka sér í hana. Ætli ég fái hana ekki bara alla nýsprautaða!?! Og þá sel ég hana ekki neitt, á hana bara líka!! Enda yndisleg... :)