Einhvern veginn virðumst við Júlía og Kristjana ekki getað fundið tíma til að borða saman! :) Ótrúlegt!! Ætluðum að fara á Fridays í gær en þá varð Júlía að fresta því þannig að við höfum ákveðið mánudaginn eftir viku! Spurning hvað verður :)
Var að panta mér flug heim um Páskana, fer 3. apríl og kem 12. Aldeilis fínt! Ætla meira að segja ekki að vinna neitt, en þetta er held ég fyrsta Páskafríið síðan ég var 16 sem ég verð ekki að vinna!! Get svo svarið það! Enda ætla ég að hafa það ógeðslega gott, eta, sofa, lesa og prjóna :)
Fann mér loksins eitthvað á prjónana. Er byrjuð að prjóna sætan bleikan sumarkjól á eina sem er að verða 4 ára. Fyrir Sigurlaugu, þá fann ég hann í Ýr blaði nr. 29 held ég (stelpan er með tösku ská yfir sig). Nema hvað ég valdi sterkari bleikan, voða sætt :) fannst hinn aðeins of daufur.
Er að fara í klippingu á fimmtudaginn... get ekki beðið þar sem ég er algjörlega að bilast á hárinu á mér!! Langar mest af öllu að klippa það bara stutt... en veit að ég á ekki eftir að gera það :) Læt bara taka vel af því!!