Jæja mamma mín farin... hundleiðinlegt!! En við höfðum það voða gott um helgina. Byrjuðum fimmtudaginn á því að fara í Kringluna og auðvitað var stormað að garninu :) ákvað bara að prjóna svona peysu eins og ég var áður búin að gera nema núna í bláu og hvítu (Sigurlaug, svona eins og bleika peysan úr þrefalda garninu) kemur voða vel út í svona fallega ljósbláum lit. Á föstudeginum var farið í Ikea og aðrar svona "must" búðir og um kvöldið skelltum við okkur í bío, Along came Polly :) Alveg frábær mynd, við grenjuðum hreinlega úr hlátri! Á laugardeginum fórum við svo í Smáralindina og svo var auðvitað árshátíð Lyfju um kvöldið. Allt alveg frábært, Örn Árna var veislustjóri, góður matur og allt í gúddí þangað til að hljómsveitin steig á stokk! Ömurleg hljómsveit... vorum ekki að nenna að hanga þarna þannig að við fórum bara snemma út!! Ég er hinsvegar með það á hreinu að ég elska hann Örn Árnason... jiii hvað maðurinn er fyndinn!! :) Sama hvað hann lætur út úr sér... ég brjálast bara úr hlátri!! :) Yndislegur! Nú mamma átti svo að fara í gær, en var veðurteppt og fór í morgun. Aldeilis fín ferð hjá kellu og góð helgi =)