Ég á afmæli nákvæmlega eftir 2 vikur! Það er ekki eðlilegt hvað tíminn líður svakalega hratt. Sumarið varla byrjað og þá er það búið!
Ég horfði auðvitað á Idolið og var hin ánægðasta með úrslitin!! Var eiginlega með það á hreinu að hún myndi vinna þannig að ég gat ekki beðið og kíkti á úrslitin á föstudeginum :)
Svo var það Fegurðarsamkeppnin á laugardeginum. Var orðin frekar þreytt þarna kl. 22 loksins þegar keppnin byrjaði. Almáttugur... þvílíkur tími! Sat á rassinum frá kl. 19-00! En keppnin sjálf var voða skemmtileg. Úrslitin fóru á annan veg en ég var búin að spá, svo fannst mér ekkert voða sniðug þessi nýja útfærsla hjá þeim að tilnefna strax 5 efstu. Fannst Hrabba kellingin standa sig eins og hetja :) var svo fín og sæt í kjólnum sínum!!
Annars er þetta búið að vera hin rólegasta helgi. Guðdómlegt að eiga frí dag. Framundan er stutt vinnuvikan hjá mér því ég fer austur á fimmtudag eftir vinnu! :) Aldeilis gott!
Ég er komin á fullt að reyna að finna flug fyrir okkur út. Nenni ekki með Iceland Express, þar fitta engin flug :( Lang auðveldast væri auðvitað bara að fljúga með Iceland air til Frankfurt eins og við höfum alltaf gert. Vorum samt að spá í að reyna að fljúga til Zurich, það er rétt hjá Líönu og þá gæti hún sótt okkur. Á eftir að ath með LTU, kannski fljúga þeir á Zurich. Finn bara enga heimasíðu hjá þeim?!? Skoða þetta betur...