Ætli það sé nú ekki best að snúa aftur hingað og reyna að koma út einu bloggi svona fyrir helgina.
Það var voða gaman að fara heim í síðustu viku, slappaði af og hafði það gott hjá mömmu á meðan Heimir var á gæs. Kíkti til Ragnhildar og skoðaði nýja meðliminn í þeirri fjölskyldu, ógurlega sætur og alveg eins og bróðir sinn!! Föstudagskvöldinu eyddi ég svo hjá Guðlaugu, höfðum það nice yfir Idolinu með öl í annarri og prjónadótið í hinni! Góð samsetning :) Gerði mér svo lítið fyrir og hjálpaði henni að gera blogg!! Já ég! Það er nú samt ekki alveg tilbúið, á eftir að laga það aðeins, eða reyna það allavegna. Nú er bara að skora á stelpuna að vera dugleg að skrifa!! :) Hmm segi ég... en ég ætla nú að reyna að taka mig á! Já þannig að þetta var hin besta ferð og við brunuðum suður aftur á sunnudeginum.

Á þriðjudaginn hittumst við stelpurnar úr bekknum (árg. '77... Guð ég er orðin svo gömul) heima hjá Guðrúnu Sigríði. Mikið stuð hjá okkur, að vanda :) Ákváðum að taka eitt djamm saman í desember, fara þá út að borða og gera eitthvað skemmtilegt.
Í gærkvöldi hitti ég svo loksins Atladætur. Sótti Júlíu og kíkti á börnin í leiðinni, ógurlegar snúllur :) Fórum svo út að borða á Enrico's... mmm gott. Við Kristjana skelltum okkur á svaka djúsi eftirmat, djúpsteiktan Camembert, jammí... Það var voða gaman hjá okkur og mikið hlegið =)
En jæja, það er bara komin helgi, ekki leiðinlegt það! Við Sædís æltum að skella okkur á ÍSF á Nösunni. Sletta aðeins úr klaufunum áður en 6. nóv rennur upp ;)
Hafið það gott um helgina, gangið hægt um gleðinnar dyr OG gangið á Guðs vegum!