Allt og ekki neitt...

búið að gerast þessa dagana. Það sem ber auðvitað hæst er að Heimir útskrifaðist á föstudaginn, voða gaman. Já og Sillan var að útskrifast sem stúdent, til lukku mín kæra :)
Nú ég kláraði öll jólakortin á fimmtudag og kom þeim í póst á föstudag, á svo eftir að pakka inn nokkrum gjöfum sem ég ætla að drífa í á morgun. Þá á ég eftir að kaupa eina jólagjöf og afmælisgjöf handa Heimi, en það verður lítið mál því ég er búin að ákveða hvað það á að vera. Þá er bara að drífa sig í búðina sem ég er engan veginn að nenna, því það er bara bilun að ætla að fara um helgar... jesús engin eðlileg mannmergð. Spurning um að maður skjótist úr vinnunni þegar búðirnar eru að opna á morgnanna. Held svei mér þá að það sé besti tíminn!
Var að kveðja Heiðu mína, þau eru að fara til Norge á morgun. Ég er sem sagt komin með fyrsta jólapakkann í hendurnar :) Dauðlangar alveg að rífa hann upp, hef ekki hugmynd hvað er í honum!! Alveg að drepast úr forvitni :)
Annars er klukkan orðin korter í 1 að nóttu til og mig langar all svaðalega í Normal brauð með osti og kavíar... mmmm... og ef ég bæti Melroses tei við þá er ég komin með hinn týpíska hádegisverð sem var alltaf hjá Þóru Matthildi og fjölsk :) veit ekki hvort þetta er ennþá?! En verð pottþétt að fara í bakaríið á morgun!
Annars er það bara austur á fimmtudag... Jibbý!!
Ætla að fara að leggja mig,
Guten Nacht.