Leti...

Já það er mikil bloggleti sem hrjáir mig þessa dagana, vægt til orða tekið!
En nú er klukkan rétt um tíu og ég er búin að liggja hérna í rúminu í einn og hálfan tíma, vafin inn í tvær sængur, að borða jarðarber og hlusta á vindinn og rigninguna dynja á glugganum :) frekar notalegt!

Annars fórum við aðeins í Smáralindina í dag eftir vinnu og enduðum á TGF... ohh það var gott! Tók að sjálfsögðu réttinn okkar Sillu ostastangirnar í forrétt og Chicken Fingers í aðalrétt!! Klikkar ekki :) Svo var Jens greyinu rennt í gegnum bílaþvottastöð og varð svakalega fínn á eftir. Nema hvað þetta var auðvitað bara eins og að standa upp og detta, hann var orðinn skítugur þegar við komum heim!! En ég skolaði auðvitað bara af honum aftur í bílageymslunni :)
Fórum reyndar í Byko í Breiddinni til að kaupa uppþvottagrind, langaði að skipta út þessari sem ég átti, en langaði nú samt bara í eins (sem sagt ég vildi nýja)!! En almáttugur, hvað er málið að geta ekki átt hvíta plain uppþvottagrind?! Nei ég bara spyr... það sem var í boði var allt í einhverjum hræðilegum pastellitum... hlandgult, ljós-föl-blátt, hryllilega ljótur ljós grænn litur og fleira í þeim dúr!!! Ég spurði nú bara afgreiðslu drenginn hvað málið væri!? Hvað væri eiginlega að þessu liði og hvort það væri virkilega ekki hægt að fá þetta bara í hvítu?!?! Hann var nú ekki alveg að skilja þennan æsing í mér! Jesús eini... En Heimir benti mér svo góðfúslega á að ég gæti keypt þarna gráa aðeins stærri grind :) var ekki alveg að kaupa það svona í fyrstu atrennu en féllst á það að lokum!! Er nú samt ekki alveg að fíla það að fá ekki hvíta!!

Jæja er að hugsa um að lesa aðeins áður en ég svíf í draumalandið...
Guten nacht!!