Nú er ég alveg að verða vitlaus... Sigurlaug búin að smita mig af þessu pússl-stússi sínu. Hugsa ekki um annað þessa stundina en að komast í eitthvað skemmtilegt pússl. Keypti mér pússl úti í Ameríku á sínum tíma, sem ég reyndar kláraði aldrei, ég veit ekkert hvar hún er niðurkomin. Annaðhvort heima í Nesk eða komin í rulsið! Þannig að ég sé fram á að þurfa að fara af stað á morgun og finna mér fínt pússl! Veit samt ekki hvernig... jú örugglega eitthvað landslag. Þyrfti svo bara að komast í safnið hennar Sigurlaugar :)

Setti í fimmta gírinn í gær og þvoði þvott, skellti í skúffuköku (ógsl góð) og tók stofuna í nefið. Höfðum það svo gott í gærkvöldi, kveikti á kertum og horfðum á Neyðarhjálpina. Frábært hvað miklu var safnað! Drifum okkur svo út í hádeginu og löbbuðum hringinn. Hélt reyndar að ég myndi frjósa á leiðinni... var samt vel klædd, með húfu og allt, en flísbuxurnar voru ekki alveg að gera sig! Lærin og rassinn frosin þegar við komum heim :) Verð að fara að kaupa mér "síðbrók" eins og Heimir kallar þetta :) En það var gott að koma heim og rífa sig úr hverri spjör, stökkva upp í rúm og undir sæng, ahhhh!