Jæja þá er ég búin að bóka okkur hjúin í foreldrafræðslu-námskeið (hvað þetta nú heitir). Byrjum 11. maí og "útskrifumst" 24. maí :) Þetta verður vonandi skemmtilegt... allavegna hvöttu Jóhanna og Steinunn mig eindregið til að skrá okkur og sögðu að maður hefði voða gott af þessu. Nú látum við reyna á það :)

Horfði á Gettu betur í gærkvöldi, Guð hvað ég var fegin að Borgarholtsskóli skyldi vinna þetta! Fannst nefnilega hinir vera farnir að saxa ansi vel á þá þarna á tímabili... En allavegna ég held með þeim!! :)

Fengum boðskort í gær þar sem okkur var boðið í tvær fermingarveislur. Þakka Guði fyrir að þær eru sitthvorn daginn, en samt sömu helgina, þannig að þá klára maður bara pakkann á einni helgi :) Ekkert vesen með það!!

Fékk svo líka pakka frá Þýskalandinu. Í honum var videospóla, en þá hefði hún Líana Manda verið að taka upp Swartchwald klinik myndina!! Já MYNDINA! Hún var sýnd í sjónvarpinu úti í síðustu viku. Síðasta vor komu nefnilega allir leikararnir saman aftur og tóku upp bíomynd!! Get svo svarið það! Verst að það skildi ekki hafa verið síðasta haust þegar ég var úti... hefði þokkalega skellt mér á tökustað og hefði BARA tapað mér :) En nú verður horft á þetta um helgina.

Ætlum í bío á eftir að sjá Aviator með Leonado Di Caprio. Þýðir ekkert annað en 6 bío því svo er myndin ekki sýnd fyrr en kl. 9... allt of seint fyrir mig :)