Úfff ég er alveg gegnsýrð af hvítlauk eftir matinn í gær. Jakk!! En maturinn er góður :)

Annars vaknaði ég í þvílíka sumargírnum í dag, en held reyndar að það haldist ekki lengi þar sem það lítur út fyrir að ég sé á leiðinni í veturinn í kvöld. Svei mér þá, held það sé ekki í lagi með þetta veðurlag hérna á þessu litla skeri! Reyndar man ég nú þá tíð, þegar ég varð tvítug 14. júní 1997 (ein mjög gömul :)) að þá var snjókoma!! Og það hefur sko alveg gerst eftir það, að veðrið á afmælisdaginn minn hefur verið eins og á köldum haustdegi. En þegar ég var krakki þá var alltaf gott veður þegar ég hélt upp á afmælið mitt... það var bara hásumar! En nú kemur sumarið eiginlega aldrei fyrr en í júlí... maí er kannski fínn, en svo kólnar og verður ekkert almennilegt fyrr en í júlí... isss pissss. En jæja ég ætla nú ekki að gleyma mér hér í einhverjum veðurhugleiðingum :)

Heyrði í fréttunum að það ætti að loka Hard Rock... get ekki sagt að ég syrgi það neitt. Hef aldrei verið hrifin af þessum stað... hryllilegur hávaði þarna inni og svo finnst mér ekkert voðalega góður matur þarna heldur. Þannig að ég er alveg sátt :)

En jæja... er að fara í mæðraskoðun, bið ykkur vel að lifa... veit ekki hvort ég láti heyra frá mér að austan, en allavegna hafið það gott :)