Fín og góð helgi að baki!!

Fórum á laugardeginum í Rafiðnaðarsambandið þar sem Heimir tók á móti sveinsbréfinu... OG fékk líka verðlaun fyrir bestan árangur í verklegum hluta! Ohhh hann er svo duglegur og handlaginn þessi elska :) Pakkinn sem hann fékk var alveg risastór og þungur eftir því, þannig að ég hugsaði mér gott til glóðarinnar að þarna væri glerlistaverk eða eitthvað álíka sem myndi nú aldeilis sóma sér vel í nýju stofunni :) en neinei þetta var borvél! En flott samt :)
Eftir þetta var haldið í Minjasafnið við Elliðará, hafði aldrei komið þarna áður þannig að það var bara gaman.

Vaknaði í nótt til að pissa (ekkert nýtt) nema hvað ég gat ekki sofnað strax aftur og datt niður í hugsanir um komandi fæðingu. Lá við að ég myndi vekja Heimi því ég hélt ég væri að fá alvarlegt kvíðakast!! Jesús minn hvað ég er kvíðin fyrir þessu... en þetta er sjálfsagt eitthvað sem allar ófrískar konur ganga í gegnum, eða svo er mér allavegna sagt :) Skulum bara vona að þetta fari allt saman vel!!