Jæja

ætli það sé ekki réttast að fara að byrja hérna aftur eftir þessa fína pásu. Var bara ekki alveg að nenna því eftir þetta ljúfa líf fyrir austan. Hafði það óskaplega gott og át að ég held alveg fyrir næstu tvo mánuði :) var ekkert á því að koma aftur hingað suður.

Evrovision að byrja núna í þessari viku, hef verið alveg sallaróleg hingað til, en er nú farin að finna fyrir nettri spennu. Held ég sé búin að vera svona róleg yfir þessu öllu vegna þess að ég er ekkert voða hrifin af Selmu og svo finnst mér lagið eitthvað svo... æji eitthvað svo... veit ekki!! Finnst það allt í lagi en samt eitthvað svo... En hún á alveg örugglega eftir að standa sig með prýði og ég er eiginlega með það á hreinu að við komumst upp úr forkeppninni. Reyndar held ég að við myndum vinna þetta ef Birgitta og Jónsi færu aftur og tækju All out of luck :) Það er alveg pottþétt að Birgitta á eftir að fara aftur held ég.

Við byrjuðum í fæðingarfræðslunni núna á laugardeginum :) Þetta var voða fínt allt saman, nokkuð gaman bara. Þarna er rætt um allt sem viðkemur komandi mánuðum, fæðingunni og reynt að undirbúa mann fyrir þetta allt saman. Sé sko ekki eftir að hafa skráð okkur í þetta, þakka þér Jóhanna fyrir að mæla svona extra vel með þessu :) Eftir fræðsluna fórum við í barnavöruverslanir og má segja að núna séum við búin að finna allt sem okkur vantar. Þ.e.a.s. erum búin að finna rúmið, bílstólinn, skiptiborðið og vagninn sem við viljum. Ætlum samt ekkert að versla þetta fyrr en við erum flutt. (Ég vil náttúrúlega kaupa þetta NÚNA en ætli það sé ekki rétt að bíða :)).

En voða ljúft að eiga frí í dag eftir sérstaklega erfiða viku í vinnunni. Vonum að þessi vika verði skárri. Hef að mestu notað helgina til að þrífa íbúðina, þvo þvott og til hvíldar. Ljúft