Ég kann bara ekki við annað en að láta vita af mér :) en það er semsagt ekkert að gerast frekar enn fyrri daginn. Nú förum við í skoðun á morgun og þá á að reyna að losa um belginn, ljósan sagði að oft færi fæðing þá af stað um sólarhring síðar. Veit þó að það gerist nú ekki alltaf.

Er búin að sjá einn ljósan punkt í því að barnið hafi seinkað sér svona og það er að það mun ekki eiga afmæli um verslunarmannahelgina :) er mjög glöð með það.

Annars erum við búin að eta á okkur gat... það var grillað hreindýr, andarbringur og kjúklingabringur og meðlætið eftir því!! Uss uss... er alveg á blístrinu.

Ætla að fara að horfa á Monk, prjóna og hafa það gott.