Liebe, liebe Deutschland

Finnst alveg ótrúlegt að ég skuli vera að fara til Þýskalands á morgun. Og enn merkilegra finnst mér að þurfa ekki að vakna fyrir allar aldir og koma mér út á völl og eyða um 50. 000 kalli í flug. Nú er það bara Hovedbanen að hádegi, tekin lest og kostar aðeins nokkrar krónur :) Já þetta er einn kosturinn við að búa ekki á Íslandi, ekkert mál að bregða sér til annarra landa án þess að fara á hausinn! Ég ætla að reyna að njóta þess á meðan ég dvel hér.

Ég er búin að gulltryggja rauðhærða vini mínum Eiríki Hauks mitt atkvæði. Júlía Rós ætlar að sjá um að senda eitt sms fyrir mína hönd! :) Bíð spennt eftir að sjá hver fer áfram fyrir okkur. En plís ekki senda mér sms hver vinnur, jafnvel þótt það verði Eiríkur, því ég er að hugsa um að horfa á söngvakeppnina um leið og ég kem heim á sunnudaginn. Kíkja ekki einu sinni á Moggann, bara beint í keppnina :)

Spjallaði lengi við Sigurlaugu í dag á msn-inu. Við erum búnar að plana hádegismat á Fridays, fimmtudaginn 15. mars. Semsagt nákvæmlega eftir mánuð :) Hlakka til. Nú svo ætla ég að hitta hana Helenu sem ég var að vinna með á Austurbakka og helst að kíkja á Holtsgötuna ásamt fleiru.

Annars er ég svona næstum búin að pakka okkur niður og verður restin bara kláruð í fyrramálið. Hlakka mikið til að hitta Líönu og Mirju. Ohh hvað þetta verður skemmtileg helgi! Vonandi eigi þið líka góða helgi í vændum og heyrumst aftur eftir helgi. Held alveg örugglega að ég verð ekki nettengd yfir helgina.

- Gullkorn dagsins:
Úr þessu forna grjóti
reistu sumir musteri
og aðrir kauphöll.
(Gunnar Dal)