Þjóðleg

Já ég held að það sé óhætt að segja að ég sé búin að vera rosalega þjóðleg síðan ég kom heim. Í gærkvöldi sauð mamma slátur og lifrapylsu, og í kvöld voru glæný hrogn sem pabbi kom með heim af sjónum í dag. Og þau voru svoooo góð! Jiii ég át heila tvo diska, bara gott. Ingibjörg var líka mjög hrifin, vona að hún verði jafn hrifin af þessum ramm íslenska mat í framtíðinni, eins og ég.
Ætli ég geti einhversstaðar nálgast súra punga? Nei ætli það...

Við Guðlaug tókum stóra hringinn í morgun í æðislegu veðri. Við vorum sko komnar út fyrir hálf 10, tel það ansi gott.

Það er svo skoðun og sprauta hjá dömunni í fyrramálið. Hlakka mikið til að vita nýjustu tölur, hlakka ekki eins mikið til sprautunnar. Vona samt að hún sleppi við hita, hún hefur aldrei orðið lasin eftir sprauturnar.

Annars er komið hávaðarok, brrrr, þá er sko notalegt að vera inni í hlýjunni. Tala nú ekki um að vera uppi í rúmi með góða bók. Er að hugsa um að fara snemma í bælið.
Góða nótt.