X-Factor

Var að horfa á minn 3ja X-Factor þátt. Úrslitin fóru eins og ég hélt, en mér fannst nú HaRa systur ekki góðar í kvöld. Fyrra lagið hjá þeim var algjör hörmung! En þær hafa réttu framkomuna og hafa það fram yfir Guðbjörgu, en hún kann hinsvegar að syngja. Jamm ég held að færeyski folinn taki þetta, algjört súkkulaði sá drengur. Hlakka til að sjá lokaþáttinn.
En mikið óskaplega finnst mér hún Ellý leiðinleg. Sannfærðist endanlega í kvöld, en ég er búin að vera að gefa henni séns. Allt er þegar þrennt er. Greyið, held hún hafi bara staðnað í þessu rugli sínu... finnst hún frekar sjúskuð og útlifuð í útliti, blessunin.

Fór í allsherjar klössun til Önnu Kristínar í gær og er ægilega fín :) Hafði ekki farið í klippingu síðan 9. desember! Er enn dökkhærð og ætla bara að lýsa það í sumar.

Annars styttist heldur betur í Páskana. Hlakka til að fá alla heim. Líana kemur, Heiða og Moni, Rakel og fjölsk vonandi, nú og svo koma Júlía Rós og co á Eskifjörð svo það verður bara gaman. Erum að spá í að kíkja á Brján kvöldið, það klikkar örugglega ekki. Líst ekkert á þetta páskaball. Ég var farin að láta mig dreyma um stórball með Sálinni... en nei ekki var það svo gott. Vona að þeir komi um verslunarmannahelgina.

Heimir minn kemur á morgun, JIBBÝ :)
Góða helgi.