Ekki einu sinni...

láta ykkur detta í hug að ég biðjist afsökunar á þessari bloggleti, ekki séns!
Annars sitjum við mamma hérna yfir sjónvarpinu, ég búin með litla kók í gleri og er að gæða mér á Hrís kúlum. Bara gott :) Ég skellti Þyrnifuglunum í tækið, já nú horfir maður á þættina á dvd, ekki á eldgömlum vídeospólum :) Ferlega fyndið og frábært að heyra þemalagið. Við mamma vorum að rifja það upp að sennilega horfðum við síðast á þessa þætti fyrir 5 árum eða svo. Það eru hinsvegar komin um 10 ár síðan ég las bókina. Þarf að lesa hana aftur.

Annars er hálftómlegt hjá okkur núna, Heimir farinn út, pabbi út á sjó og Líana fór í dag. Skrítið að vera bara aftur 3 þegar það er búið að vera fullt hús. Það verða viðbrigði fyrir mömmu þegar við mæðgur förum... en svona er nú bara lífið.

Páskarnir voru ljúfir. Ég át hinsvegar engin páskaegg, fékk samt 2 númer 5. Týpísk ég að borða bara eggin fyrir páska :) En eitt ætla ég nú að eiga fyrir sumarið og svo er markmiðið að borða hitt áður en við förum út aftur. Ingibjörg fékk 3 egg og er búin að borða eitt og hálft. Held að það sé bara gott í ár fyrir hana :)

Það styttist óðfluga í að við mæðgur förum út aftur. Ótrúlegt hvað tíminn líður alltaf hratt. Fannst sex vikur þvílíkt langur tími en svo er hann liðinn áður en maður veit af.

En jæja, ætla að einbeita mér að The Torn Birds og prjónunum.