Pufff

Eru fleiri en ég miður sín yfir Eurovision? Ég er bara ekki alveg að kaupa þessi úrslit. Fannst Serbía bara alveg glötuð, manneskjan sem söng það alveg OFF (hélt lengi vel að hún væri strákur, þangað til ég sá móta fyrir brjóstum!) og svo mætti lengi telja. Ég sofnaði þegar stigagjöfin var hálfnuð og rumskaði svo þegar Heimir bar mig inn í herbergi. Ég náði þegar hann sagði mér að Serbía hafði unnið og hugsaði að hann væri nú pottþétt að grínast í mér. Hélt kannski að Rússland hefði náð að klóra í bakkann. Steinsofnaði svo og það fyrsta sem ég gerði í morgun var að tékka á hver hefði nú unnið (því ég var ekkert að trúa honum) og þá fékk ég bara áfall! Jahérna hér...

Búin að panta flug heim. Við mæðgur förum að morgni 15. júní (pabbi verður 55 þann dag :)) og Heimir kemur þann 19. Ég byrja að vinna 18. júní og þá er síðasta prófið hans Heimis. Hlakka þvílíkt til að fljúga beint í Egilsstaði, það er svo mikill munur að geta flogið beint. Finnst flugið samt ekkert ódýrt sko, fyrir okkur mæðgur (og það þarf bara að borga tryggingu fyrir Ingibjörgu) þá er það 17.400 kr aðra leið! Mér finnst það mikið.

Ingibjörg er bara orðin hress. Hún hresstist seinnipartinn í gær, en ég ætla að halda henni inni í dag. Svo fer hún á vöggustofuna á morgun í tvo tíma.

- Gullkorn dagsins:
Maður, sem gerir villu og leiðréttir hana ekki, gerir aðra í viðbót.
(Konfúsíus)