ÞRÍTUG Í DAG

Já nú er ég orðin þrítug! :) Mér líður samt alveg eins og í gær, ef einhver skyldi halda annað. Á Íslandi er ég víst komin á fertugsaldurinn, en ég kýs að hafa þetta eins og danirnir, ég er á þrítugsaldursskeiðinu. Finnst það hljóma mun betur :)

Ég fæddist á því herrans ári 1977 (sama ár og Elvis Presley dó, held samt ekki að ég sé hann) klukkan 20:05, munaði aðeins 4 tímum á því að pabbi fengi mig í 25 ára afmælisgjöf :) Pabbi verður því 55 ára á morgun, og ætla amma og afi að koma uppí bústað og grilla og borða með okkur.
Mér finnst, og hefur alltaf fundist mjög merkilegt að eiga afmæli... þetta er MINN dagur. Finnst það bara skemmtilegt :)

Ég fékk gullfallegt Pilgrim úr (alveg eins og þetta, nema silfur ekki gull) frá Heimi og Ingibjörgu ásamt 700 DK. Heimir bjó til ratleik, hver vísbending var kvæði sem hann hafði ort :) Ég var látin geta og hlaupa um alla íbúð ásamt því að fara í geymsluna á náttkjólnum! En hvað gerir maður ekki fyrir gjafir? :)

Heimir er farinn með Ingibjörgu á leikskólann. Ég ætla að fara í sturtu og sjöna mig til :) það er semsagt bröns framundan á eftir og seinna í dag er það sumarfestið, ásamt því að pakka niður.

Hafið það gott í dag elskurnar mínar, og við “heyrumst” svo aftur um og eftir helgi, frá Íslandinu góða.

Kær kveðja Úrsúla Manda afmælisbarn

- Gullkorn dagsins:
Ellin hallar öllum leik.
(Björg Sveinsdóttir frá Hallbjarnarstöðum)